مايكروسوفت تقول: “وانا كمان”

السلام عليكم ورحمة الله وبركاته،

اتكلمت قبل كدة عن قصة نجاح الفيسبوك وبدايته من الصفر الى ان اصبحت قيمته فوق ال١٠٥ مليار دولار. وقلنا ازاي كانت في علاقة نجاحة بين مايكروسوفت والفيسبوك في بداية حياته.

بيليف ات اور نوت (believe it or not يعني)، مايكروسوفت اطلقت موقع جديد في الخباثة شبيه جدا بالفيسبوك واسمه Socl (النطق زي كلمة Social او اجتماعي) وممكن تزوره هنا. مايكروسوفت سمحت لبعض الطلاب الجامعيين انهم يجربوا الموقع ابتداء من اخر ٢٠١١ قبل ما يفتحوه للشعب دلوقت. مش غريبة دي؟ لأن دي نفس الطريقة اللي بدأ بيها الفيسبوك، موجه لطلاب جامعيين برضه. همممم

الموقع بيسمحلك انك تعمل “شير” لمعلومات مع اصدقائك وتتواصل مع بقية الناس بطرق شبيهة جدا بالفيسبوك.

لكن مايكروسوفت انكرت ان الموقع منافس للفيسبوك وقالت ان الهدف منه هو فقط مساعدة الطلاب انهم يشاركو مواد علمية مع بعض. حنضحك على بعض بقى، ده حتي لوجو الموقع لونه ازرق :)

احساسي ان مايكروسوفت عاوزه تشوف اقبال الناس عالخدمة دي الاول قبل ما يبدأو يخبطو في فيسبوك وجوجل+، وان خطتهم هي ان الموقع يصبح منافس للناس دي في مرحلة في المستقبل خصوصا ان عندهم محرك البحث Bing وعاوزين يقلدو جوجل ويدخلوا فيه بيانات من شبكات اجتماعية. مايكروسوفت ممكن تنفي الموضوع ده زي ما هي عايزة، بس اول ما انا سجلت دخول في الموقع (عن طريق حساب الفيسبوك بتاعي) لقيت الشاشة دي قدامي:

مكتوب بالفونت العريض:

“لم نجد اي اصدقاء لك من على الفيسبوك. لم لا تطلب منهم الانضمام؟”

يا مايكروسوفت يا سوسة انتي.

- منسي


Fatal error: Uncaught Exception: 12: REST API is deprecated for versions v2.1 and higher (12) thrown in /home/taqneya/public_html/wp-content/plugins/seo-facebook-comments/facebook/base_facebook.php on line 1044