الجيلبريك جاي في السكة – iOS 5.1

السلام عليكم ورحمة الله وبركاته،

كتير من أحبابي الزوار سألوني لو فيه جيلبريك غير مقيد (Jailbreak) لآخر اصدار من نظام تشغيل اجهزة آبل iOS 5.1.

للأسف الى يومنا هذا مفيش جيلبريك غير مقيد متوفر للشعب، ولكن الشخص  (الواد الهاكر الشهير ب pod2g) اللي بيطور في الجيلبريك الجديد قال من يومين انه شغال الله ينور ولكن مش حيكون في اصدار جاهز للاستخدام العام على الاقل لمدة شهر او اتنين (!!)

أي نعم حاجة تسم البدن خصوصا لكل الناس اللي عمله تحديث من 5.0.1 الى 5.1 عشان فقده كل مزايا الجيلبريك، وانا عارف ان نص الشعب بيعمل جيلبريك عشان ينزل برامج والعاب ببلاش، وابو بلاش كتّر منه :)

مع العلم انه لو مش قادر تصبر ممكن تعمل جيلبريك ولكن بشرطين:

- انه يكون جهازك بيستخدم المعالج A4 يعني زي اللي موجود في ال iPhone 4 والأجهزة اللي اقدم منه،
- والشرط التاني ان الجيلبريك حيكون مقيد يعني كل مرة تعمل ريستارت للموبايل لازم يكون متوصل بالكمبيوتر والبرنامج المخصوص.

- منسي


Fatal error: Uncaught Exception: 12: REST API is deprecated for versions v2.1 and higher (12) thrown in /home/taqneya/public_html/wp-content/plugins/seo-facebook-comments/facebook/base_facebook.php on line 1044