اشاراتك اوامر! [فيديو]

السلام عليكم ورحمة الله وبركاته،

مفيش مستخدم للكمبيوتر مش بيكره الكيبورد والماوس، زهقنا منهم خلاص، بقالنا شغالين عليهم ٢٠ سنة او اكتر، مفيش حاجة جديدة وكول؟

شكله في. حاجة جديدة وسوبر كول كمان.

من زمان والشركات بتحاول تعمل نظام تحكم بالاشارة للكمبيوتر، Gesture Control يعني. حاجة تسمحلك تتحكم في الجهاز من غير ما تلمس اي حاجة، فقط بالاشارة. تقدر تقول حاجة شبيهة بنظام الKinect  بتاع الXBox. ولكن كل المحاولات في المجال ده كانت بدائية وغير قابلة للاستعمال للتحكم في جهاز كمبيوتر.

شركة Leap Motion الامريكية اعلنت انهم طوروا نظام تحكم بالاشارة ثلاثي الابعاد اللي بيزعمو انه ادق ٢٠٠ مرة من اي حاجة تانية في السوق، وسعره ٧٠ دولار بس!!!

النظام بيستخدم جهاز استشعار صغير بيدخل في الUSB مع سوفت وير خاص بينزل على جهازك ويقلبه فيلم خيال علمي. تعالو نشوف فيديو

ايه رأيك؟ وب٧٠ دولار بس!

الشركة بتقول ان النظام حينزل الاسواق بداية ٢٠١٣. ولو فعلا دي امكانياته، انا حنزل اقف في الطابور من دلوقت.

- منسي


Fatal error: Uncaught Exception: 12: REST API is deprecated for versions v2.1 and higher (12) thrown in /home/taqneya/public_html/wp-content/plugins/seo-facebook-comments/facebook/base_facebook.php on line 1044